Ferrovial Servicios, como concesionaria do Servizo de Mantemento, Conservación e Mellora dos Espazos Verdes e Arboredo Urbano do Concello de Santiago de Compostela, executará o Plan de Reposición do Arboredo en Alcorque para o ano 2019. Deste xeito, plantaranse 117 árbores en alcorques baleiros e/ou faltas.
O obxectivo é a mellora da calidade estética e biolóxica do arboredo viario, ao mesmo tempo que se reducen os custes de mantemento ao propor plantacións reflexionadas, con especies axeitadas aos requirimentos ambientais e ao espazo aéreo e radicular dispoñibles. As especies e cantidades que se plantarán son: Acer campestre Elsrijk (7), Acer campestre Queen Elizabeth (1), Acer campestre Red Shine (1), Acer freemanii Autumn Blaze (6), Acer platanoides Crimson King (1), Acer saccharinum Wieri (1), Betula alba (14), Camellia japonica (9), Cecis siliquastrum (7), Cornus florida (7), Fraxinus excelsior (6), Fraxinus ornus (2), Ginkgo biloba (1), Laurus nobilis (1), Ligustrum japonicum (1), Ligustrum lucidum Aerovariegatum (4), Magnolia Heaven Scent (1), Malus baccata Street Parade (8), Malus everest Perpetu (7), Populus nigra Italica (1), Prunus cerasifera Nigra (2), Prunus padus Colorata (1), Prunus padus Watereri (2), Prunus Umineko (5), Pyrus calleryana Chanticleer (9), Pyrus calleryana Redspire (8), Quercus robur (2 plantados en zona verde) e Ulmus minor Umbraculifera (2).
Estas especies foron seleccionadas coa finalidade de incrementar a diversidade de especies de árbores da cidade, para así evitar a vulnerabilidade asociada a especies dominantes, mellorar a calidade do hábitat, adaptación ao lugar e mínimas necesidades de poda. No período comprendido entre os anos 2015-2018, plantáronse 1.143 árbores novas en alcorque, dentro do Plan de Reposición do Arboredo en Alcorque.
Fai clic aquí para visualizar a localización e coñecer as especies dos alcorques que se van repoñer no ano 2019.
