Bancos de Sargadelos da Alameda

Historia

Antonio Raimundo Ibáñez (1749-1809) fundou en 1793 unha fábrica de cerámica dedicada á fabricación de pezas elegantes segundo as técnicas e tendencias do seu tempo e hoxe, despois dunha existencia azarosa, Sargadelos segue a levar o nome de Galicia polo mundo. Non obstante, o primeiro proxecto de Ibáñez foi un complexo siderúrxico orientado a fornecer á Real Armada; a mediados do século XIX, a fundición tiña unha produción diversificada, tanto con pezas de uso máis cotián como con obxectos personalizados como é o caso destes bancos.