Casa das Máquinas

Historia

Foi promovido pola Cooperativa Eléctrica Santiaguesa, coa finalidade de albergar as máquinas da central eléctrica. Esta tentou loitar contra o monopolio que exercía a Sociedade de Gas y Electricidad de Santiago, a cal impoñía uns prezos abusivos da electricidade na cidade. Posteriormente o edificio sería propiedade de Fenosa, e dende o 2001 pasou a ser de titularidade municipal.

A Casa das Máquinas é un dos exemplos máis significativos do patrimonio industrial de Compostela, ao que se engade o carácter antimonopolista co que foi construído.