CEA (Centro de Estudos Avanzados)

Historia

O edificio do Centro de Estudos Avanzados combínase coa amplitude dos salóns da Casa de Europa e a beleza da contorna do Parque da Finca Simeón, para ofrecer o mellor escenario para o encontro entre os membros da comunidade científica.

Responde a unha iniciativa relacionada coa procura da creación dun foro de intercambio de experiencias, métodos e proxectos entre os investigadores galegos e os internacionais co que crear un nexo permanente entre o equipo da USC e os profesores e investigadores visitantes.

Esta iniciativa vincúlase co quinto centenario da USC en 1995 e coa promoción, en 1994, da creación do Grupo Compostela, unha ampla rede universitaria europea, con máis de setenta universidades pertencentes a vinte países europeos.

O edificio do Centro de Estudos Avanzados serve de complemento a este ámbito, cunha dobre finalidade:

- Representa un foro de intercambio de experiencias, métodos e proxectos entre os investigadores e universitarios galegos e internacionais.

- Facilita a conexión entre a universidade e os centros de decisión, ofrecendo de xeito áxil e rigoroso respostas científicas aos grandes retos da nosa sociedade.

Trátase deste xeito, dun punto de referencia para que a comunidade científica universitaria divulgue na sociedade o estado da ciencia, a técnica, as humanidades e as artes, e responda ás súas preocupacións máis inmediatas.