Centro Cívico da Almáciga

Código: AM030

Sociocultural

Localización

Zona verde

Parque do Monte da Almáciga

Barrio

Concheiros-Almáciga-Espírito Santo

Parroquia

San Fructuoso

Información

Tipoloxía

Centro cívico

Cronoloxía

2012

Historia

A Asociación de Veciños Francisco Asorey foi fundada no ano 1980. Leva o nome do escultor Francisco Asorey en lembranza dun dos máis ilustres veciños que habitaron o barrio da Almáciga. O obxectivo do nacemento da asociación foi o de demandar melloras para este barrio e acadar unha maior calidade de vida para a súa veciñanza. A consecución do local social en 2012 levou parella o inicio das numerosas actividades e cursos que ocupan case que a totalidade das franxas horarias.

Algunhas actividades desenroladas pola asociación son xa un clásico do calendario de festas do barrio da Almáciga, como a organización da tradicional cacharela e sardiñada de San Xoán, así como o desenvolvemento doutras actividades culturais e de lecer.

Descrición

Os centros cívicos son espazos para a dinamización da vida social e cultural de Compostela. Son equipamentos de uso comunitario, onde se organizan actividades que pretenden fomentar a convivencia dos veciños a través de programas de ocio, culturais e aprendizaxe. Están abertos á participación de todos os veciños de Compostela.

A Rede de Centros Cívicos de Santiago están concibidos para o uso e aproveitamento comunitario, tendo o obxectivo de fomentar a convivencia entre os veciños e impulsar a súa participación nestes espazos.

Unha vez escoitadas as propostas e suxestións dos veciños, prográmanse un conxunto de actividades dirixidas á maior franxa posible de interesados, garantindo así unha proposta global e plural.

O tipo de actividades que se poden atopar nos cívicos, son as que se describen a continuación.

Actividades culturais e tempo libre:

- Cursos, talleres sobre distintas prácticas artísticas.

- Exposicións e exhibicións de pequeno formato.

- Representacións teatrais e musicais.

- Visitas culturais.

- Charlas, conferencias e mesas redondas sobre temática actualizada.

Actividades de promoción social e saúde:

- Clubes variados (maiores, viaxeiros, fotografía, natureza, lectura, astronomía ou arte).

- Obradoiros de relaxación (ioga, taichi, aromaterapia ou musicoterapia).

- Charlas de educación para a saúde, alimentación e vida saudable.

Servizos que se prestan nos centros cívicos:

- Espazos para xuntanzas de entidades (previa petición).

- Espazos para exposicións.

- Bibliotecas.

- Aulas de lectura e xogo infantil.

- Salas de informática.

Fotos actuais

❮❯