mainimg
Código: PR066
-
Patrimonio
Localización

Parroquia

Nemenzo

Información

Tipoloxía

Cruceiro

Historia

Os cruceiros son, xunto cos hórreos, os monumentos populares máis característicos de Galicia. Un cruceiro é un monumento de pedra formado por una plataforma con gradas, un pedestal sobre o que vai unha columna e está coroado por unha cruz na que, na maioría dos casos, por un dos seus lados está gravada a imaxe de Cristo na cruz e no outro aparece a Virxe.

É difícil saber como aparecen os primeiros cruceiros. A súa orixe vincúlanse cos miliarios romanos e as cruces dos peregrinos. Os cruceiros galegos máis antigos que se conservan son o de Melide, do século XIV, e o do Home Santo situado na porta do Camiño, do século XV. Son relativamente abundantes os cruceiros góticos dos séculos XV e XVI, aínda que o único elemento orixinal que se conserva deles é a cruz.

A finais do século XVI nace o cruceiro barroco, cunha gran expansión polo rural debido á repercusión do Concilio de Trento. Na iconografía destes monumentos pasa a ter máis protagonismo o tema da morte, polo que Xesucristo se representa nun estado de gran agonía ao igual que a Virxe do reverso. O período de maior auxe dos cruceiros no rural galego terá lugar no século XIX e no primeiro terzo do XX, debido ao crecemento económico motivado pola chegada do capital da emigración e o aumento da devoción popular.

O estudo dos cruceiros está unido á figura de Castelao, quen dedicou gran parte da súa vida a investigar e escribir sobre os cruceiros galegos en comparación cos da Bretaña, cos que atopou grandes similitudes.

Descrición

Cruceiro do tipo de crucifixo, que se alza sobre plataforma cadrada de dous chanzos. Pedestal cúbico de arestas superiores rebaixadas en curva e varal que comeza e remata en sección cadrada, sendo octogonal no resto. Capitel moldeado do que arranca a cruz de sección circular, con nós e a cartela de INRI. Imaxes de Cristo crucificado inclinando a cabeza cara á dereita e con pano de pureza tamén para o mesmo lado. No reverso leva unha Piedade.

No arranque do varal, e apoiado no pedestal, hai unha figura dun meniño cantor procedente do coro pétreo do Mestre Mateo da catedral de Santiago, desmontado entre o 1603 e 1604 por orde do Arcebispo San Clemente para ser substituído por un de madeira.

Fotos actuais


Ayúdenos a mejorar nuestra traducción de su idioma

Puedes cambiar cualquier texto haciendo click (presiona Enter después de hacer el cambio)