Edificio modernista da Alameda

Historia

Aínda que é posterior á vivenda modernista que ten ao carón, é evidente que este edificio fala unha linguaxe diferente que o vincula coas construcións centroeuropeas (modernismo vienés) e sobre todo co estilo persoalísimo do seu arquitecto.

Rehabilitado recentemente, o edificio recuperou o seu esplendor e monumentalidade orixinal, aínda que as transformacións feitas no século XX nos impidan gozar da percepción antiga do espazo ou das marquesiñas acristaladas dos laterais, hoxe desaparecidas. Despois de varios usos diferentes, hoxe é unha escola infantil.