Escultura de Ánxel Casal

Historia

Ánxel Casal naceu na Coruña o 17 de decembro de 1895 e foi fusilado en Cacheiras (Teo) en 1936.

Editor, político galeguista e alcalde de Santiago foi un dos precursores da expansión das ideas das vangardas que explosionaron na Europa dos anos 30, divulgando os valores do galeguismo rexionalista daquela época a través, primeiro da súa editorial Lar, fundada con Carré Alvarellos e, sobre todo, coa editorial Nós, da que saíron importantes publicacións como A Nosa Terra e a revista Nós.

Promotor das Irmandades da Fala, colaborador do Conservatorio de Arte Galega destaca pola súa labor política, cultural, empresarial e como docente de galego. Chega a Compostela en 1931 e chega á alcaldía en febreiro de 1936 coa vitoria do Frente Popular o que se adherira o Partido Galeguista. Ademais, este cargo levaba aparellado os de vicepresidente da Deputación da Coruña e membro do Comité Central de Autonomía.

Cristina Rommel, autora da obra, é licenciada en Artes Visuais pola Universidade Nacional de Artes, é escultora, artista plástica e restauradora. En 2009 ingresa como profesora de escultura da Escola Nacional de Belas Artes Prilidiano Pueyrredon, en Arxentina. Multipremiada, recibiu no 2012 o galardón Salón Primavera no Centro Cultural CreARTE de Bos Aires. Tamén a súa traxectoria pasa por Italia, alí en La Polvarieda, participou no 2019 nun Seminario de talla en mármore coa técnica de Pantógrafo.

Desde hai varios anos vive en Galicia, nas Rías Baixas, onde desenvolve a maior parte da súa actividade artística. Tanto é así que nos próximos días inaugurará unha mostra en Vigo no Espazo Beny.