Escultura Impulso Necesario de Belvís

Código: BE037

Patrimonio

Localización

Zona verde

Parque de Belvís

Barrio

Belvís-Trisca

Parroquia

San Fructuoso

Información

Tipoloxía

Escultura

Cronoloxía

2015

Autor

Eva Fernández

Historia

O convenio de colaboración entre o Concello de Santiago e a Escola de Arte e Superior de Deseño Mestre Mateo, foi asinado en maio de 2014, o que facilitou a instalación desta e outras esculturas dos alumnos no Parque de Belvís.

Forma parte dunha actividade complementaria dos diferentes módulos do Ciclo Superior de Artes Aplicadas á Escultura, e consisten en pezas escultóricas pensadas para ser expostas en lugares públicos. Neste senso, o Concello de Santiago colabora coa escola ofrecendo un espazo para que as pezas elaboradas polos alumnos, podan ser expostas ao público fóra dos lugares tradicionais de exhibición artística.

Descrición

Esta escultura está situada na zona dos labirintos de camelias de Belvís. Neste espazo hai tres labirintos, e a peza protagonizaría o espazo central do labirinto máis próximo ao CIPX (Centro de Interpretación dos Parques e Xardíns).

A obra representa o impulso, a necesidade de saír cara fóra mediante un corpo que quere escapar, cambiar. Para iso móstrase saíndo dun burato, atravesándoo cara arriba, nunha ascensión non só a través do oco representado na peza, senón tamén por enriba do nivel das camelias que conforman o labirinto, asomando por riba delas.

A instalación desta peza, xunto con outras dúas situadas na contorna, realizouse en outubro de 2015. As tres son obra de alumnos da Escola de Arte e Superior de Deseño Mestre Mateo, sendo estas realizadas nas clases e nas prácticas en empresas. O deseño das figuras e a súa instalación foi coordinado polo profesor de Volume e Proxectos, Óscar Aldonza. As tres esculturas están realizadas en ferro, con diferentes acabados xa que son froito de inquedanzas artísticas particulares de cada alumno, partindo de propostas diferentes en intención e funcionalidade.

Bibliografía

Micropatrimonio de Compostela - Escultura Contemporánea. Concello de Santiago e Compostela Cultura, 2019

Fotos actuais

❮❯