Fábrica de papel do Pego

Código: AA134

Patrimonio

Localización

Parroquia

Villestro

Información

Tipoloxía

Fábrica de papel

Cronoloxía

Século XIX

Historia

Foi descrita por Gonzalo Gayoso Carreira no seu libro “La fabricación del papel en Galicia del siglo XVIII a nuestros días” como a fábrica de Roxos ou de Villestro. Traballaban diariamente 16 persoas, sendo capaz de producir 1.000 resmas de papel ao ano. O ano de construción é incerto, podendo comprenderse entre 1806 e 1827.

No século XX a propiedade aparece a nome de Maximino Vilaboa Villar, industrial que convertería a fábrica de papel nun serradoiro de madeira. Tralo seu falecemento a comezos dos anos 30, as poucas referencias sobre esta fábrica fan pensar que a actividade foi cesando e o edificio abandonado.

Descrición

Formada por un conxunto de edificacións que conforman o conxunto fabril emprazado nunha fermosa contorna na confluencia dos ríos Roxos e Sar, onde abunda o arboredo autóctono composto por carballos, castiñeiros e nogueiras. Os elementos estruturais básicos están en bo estado, no que os muros de cachotaría presentan total planidade. A cantería tamén está en bo estado, conservándose o sistema de funcionamento dos muíños. Trátase dunha construción de planta cuadrangular á que se acaroan varias edificacións formando unha planta en L.

Fotos actuais

❮❯