Federico García Lorca

Código: AL123

Patrimonio

Localización

Zona verde

Parque da Alameda

Barrio

Casco Histórico

Parroquia

San Fructuoso

Información

Tipoloxía

Escultura

Cronoloxía

2020

Autor

Álvaro de la Vega

Historia

García Lorca manexaba a idea dunha homenaxe a Rosalía que non se chegou a concretar por mor do seu asasinato. Por este motivo, foi seleccionado este emprazamento e orientación: está preto da escritora e mirándoa como con certa complicidade. Na zona axardinada plantouse unha camelia branca en lembranza desa homenaxe e dos versos do propio poeta: Chove en Santiago/ meu doce amor/ camelia branca do ar/ brila entebrecida ao sol...

Hoxe, por iniciativa da editorial compostelá Alvarellos, cada 25 de outubro celébrase o Día de García Lorca en Galicia con actividades nos centros de ensino, bibliotecas, etc.

Descrición

Federico García Lorca visitou varias veces a cidade de Santiago, primeiro nunha viaxe de estudos (1916) e logo como persoeiro xa máis coñecido (1932) e integrante do grupo teatral La Barraca, orientado a viaxar polos pobos de España e levar ás xentes o teatro e a cultura. Gustou moito da capital e mesmo chegou a compoñer un pequeno poemario en galego, os seus Seis poemas galegos, que se publicaron en 1935. Na memoria da súa vinculación con Compostela dedicóuselle esta estatua.

É unha peza de Álvaro de la Vega, que o representa como naqueles días de La Barraca, cando vestía acotío a funda azul da compañía. O seu aceno é tamén unha lembranza daquel tempo, pois é o mesmo que ten nunha fotografía que se lle fixo en 1932, baixando a escaleira da praza da Quintana.

Fotos actuais

❮❯

Fotos antigas

❮❯