Zona verde
Parque de San Domingos de Bonaval
Parroquia
San Fructuoso
Tipoloxía
Fonte ornamental
Cronoloxía
1994
Autor
Álvaro Siza e Isabel Aguirre
Historia
Esta fonte foi creada na rehabilitación do espazo do parque, na que debido á gran abundancia de auga foi necesario a súa xestión e canalización. A auga nace dun manancial situado na carballeira, na parte alta dos terreos ocupados polo parque de San Domingos de Bonaval, e vai sendo conducida a través dun percorrido descendente formado por diversas fontes para salvar o desnivel e chegar ao depósito de auga aloxado baixo o Xardín dos Frades e dende onde ten lugar a rega do parque.
Descrición
A fonte está situada nunha empinada costa superada mediante un gran muro de xisto no que se aloxa unha rampla para o acceso dos carruaxes e os carros de labranza. Cara a metade do percorrido desta rampla, duns 3 metros de ancho atopamos unhas pequenas escaleiras de pedra que baixan cara a Fonte de San Domingos e os restos dos alpendres da zona de hortas. Preto destas escaleiras podemos atopar a Fonte da Rampla.
A auga cae dende o alto dun valo sobre unha columna de cinco bloques de granito superpostos. Para evitar salpicaduras, o líquido e conducido cara os bloques de granito por unhas cadeas metálicas e, debido ás condicións de elevada humidade desta zona, a pedra da rampla está cuberta de musgo xa que a auga facilita o seu desenrolo e reprodución.
.jpg)
.jpg)
.jpg)
.jpg)
.jpg)
.jpg)
.jpg)