Fonte do Museo en Bonaval

Código: BO036

Auga

Localización

Zona verde

Parque de San Domingos de Bonaval

Barrio

Concheiros-Almáciga-Espírito Santo

Parroquia

San Fructuoso

Información

Tipoloxía

Fonte ornamental

Cronoloxía

1994

Autor

Álvaro Siza e Isabel Aguirre

Historia

Esta fonte foi creada na rehabilitación do espazo do parque, na que debido á gran abundancia de auga subterránea presente no parque, o que fai necesaria a súa xestión e canalización. A auga presente nos xardíns nace dun manancial situado na carballeira, na parte alta dos terreos ocupados polo parque de San Domingos de Bonaval, e vai sendo conducida a través dun percorrido descendente formado por diversas fontes para salvar o desnivel e chegar ao depósito de auga aloxado baixo o Xardín dos Frades e dende onde ten lugar a rega do parque.

Descrición

Xunto ao edificio do CGAC sitúase a Fonte do Museo, a que está situada no punto máis baixo de todas as fontes do parque. Está realizada con bloques de granito similares aos usados no edificio do Museo Galego de Arte Contemporánea, en contraste co xisto no que están realizados os muros do convento.

Consiste nunha sinxela pía trapezoidal cun desaugadoiro formado por unha pedra de granito na que un oco cilíndrico é o encargado de desaloxar a auga manténdoa sempre a un mesmo nivel, de maneira que a bañeira de pedra estea sempre chea de líquido mais sen chegar a desbordar.

Fotos actuais

❮❯