Fonte do Paseo Central da Alameda

Código: AL036

Auga

Localización

Zona verde

Parque da Alameda

Barrio

Cidade histórica

Parroquia

San Fructuoso

Información

Tipoloxía

Fonte ornamental

Cronoloxía

1932

Historia

Neste emprazamento estivo até 1932 a fonte de mármore que veu do mercado de abastos; daquela estaba acompañada de dúas ramplas de comunicación co paseo superior. O conxunto foi reformado para instalar as escaleiras e aproveitouse para substituír aquela peza por esta especialmente elaborada para este lugar.

Unha das claves da beleza desta fonte está sen dúbida na vexetación que ten ao redor, que é exuberante e vizosa no tempo de primavera pero que en todo o ano enmarca as enormes pías de pedra e completa o son da auga cos olores florais.

Descrición

Esta fonte ornamental é o complemento perfecto á perspectiva que crea o gran paseo central da Alameda; é tamén, xunto coas escaleiras, o elemento que serve de transición entre esta zona máis domesticada e a paisaxe agreste da Ferradura e a carballeira de Santa Susana.

As tres grandes pías de pedra van estreitándose coa altura e remátase cun piñón do que mana a auga; o conxunto é sobrio pero moi equilibrado e elegante do que resulta o seu protagonismo no paseo, pois capta inmediatamente a atención de quen por alí pasea.

Bibliografía

José Antonio Tojo Ramallo (coordinador e asesor do estudo histórico), Belén Requejo Alonso (investigadora) e Almundena Cuns Turnes (investigadora). Fontes e lavadoiros do Concello de Santiago. Santiago de Compostela. AQUAGEST. 2002

Abel Fernández Otero. As fontes de Santiago de Compostela. Tórculo Artes Gráficas S.A.L. Santiago de Compostela. 1993. Páx. 57

Fotos actuais

❮❯

Fotos antigas

❮❯