Hórreo dos Lavadoiros das Brañas de Sar

Historia

Esta é unha construción popular típica das casas de labranza nos campos galegos, que se situaba preto da eira. Aínda que o nome máis estendido é o de hórreo, segundo a zona tamén pode denominarse cabazo, canastro, celeiro, cabana, caniño ou piorno.

O Hórreo dos Lavadoiros mide 4,67 metros de longo por 2,46 de ancho uns 4 metros de altura aproximadamente. É de planta rectangular e construído con materiais contemporáneos a base de ladrillo e cemento. A parte inferior, o celeiro, está pechada e é utilizada como galiñeiro. A porta de acceso á cámara é de aluminio e sitúase na parede penal sur. O teito é a dúas augas con tella curva do país. Presenta dous remates decorativos, no lado sur unha cruz de sección cuadrangular e un pináculo tamén de sección cuadrangular no lado norte.