Zona verde
Parque da Alameda
Parroquia
San Fructuoso
Tipoloxía
Igrexa
Cronoloxía
1717
Autor
Domingo de Andrade
Historia
A virxe do Pilar é unha devoción moi vinculada ao fenómeno xacobeo, por canto María se lle tería aparecido ao Apóstolo e aos seus discípulos sobre un piar á beira do río Ebro durante a súa predicación ibérica; é unha advocación tardía na cidade, pois popularizouse en tempos do arcebispo frei Antonio de Monroy (1686-1715).
A igrexa é anterior aos traballos de ordenación do campo da Estrela e dos xardíns que hoxe ocupan esta zona da Alameda. Foi capela até que substituíu a igrexa de Santa Susana como sé parroquial da veciñanza que vivía nesta zona extramuros e ao longo dos camiños que ían a Conxo e a Padrón.
Descrición
Construída no estilo barroco, é obra de Domingo de Andrade, un dos grandes arquitectos galegos. Embeleceu a entrada á cidade e foi concibida cunha sobriedade que fala de clasicismo, de xeito que as súas liñas e expresión contida dan á capela aire de harmonía e fermosura, dese equilibrio que a fai máis próxima ao barroco italiano que ao español -máis aínda dado ás liñas en movemento e á ornamentación desbordante-.
Con planta de cruz latina presenta unha fachada protagonizada polas dúas torres campanario e pola imaxe da Virxe que conserva o sabor orixinal aínda que foi modificada posteriormente. O retablo orixinal, obra de Miguel de Romay, foi trasladado de xeito que hoxe a capela maior está presidida por unha imaxe de Castor Lata, un dos maiores imaxineiros composteláns do século XX.
.jpg)
.jpg)
.jpg)
.jpg)
