Isaac Díaz Pardo

Código: AL122

Patrimonio

Localización

Zona verde

Parque da Alameda

Barrio

Casco Histórico

Parroquia

San Fructuoso

Información

Tipoloxía

Escultura

Cronoloxía

2020

Autor

César Lombera

Historia

Isaac Díaz Pardo (1920-2012) foi un artista polifacético que participou en todo tipo de iniciativas vinculadas ao galeguismo e á cultura galega. Aínda que a súa traxectoria artística se iniciou na pintura e no deseño, Díaz Pardo foi a alma de proxectos como o Laboratorio de Formas de Sargadelos con Luís Seoane, Cerámicas do Castro, o Museo Carlos Maside...

Compostelán de nacemento, Isaac foi a voz da memoria e do sentimento da Galicia previa a 1936 e trouxo até nós o espírito daquel tempo que dignificou o país, a súa lingua e a súa cultura e soñou cun tempo de progreso que tardaría en chegar. A súa vida foi unha reivindicación daquel esforzo e un labor constante por transmitirllo ás xeracións do presente.

Descrición

A figura miúda e sempre en movemento de Isaac Díaz Pardo conformou unha estampa común na cidade, sendo un persoeiro moi recoñecido nela. Pola súa enorme achega á Galicia que hoxe vivimos, a cidade encargou esta escultura para celebrar o centenario do seu nacemento e para deixar testemuño do seu agradecemento.

A escultura é obra de César Lombera. Neste retrato, vemos unha representación de Isaac na mediana idade, sentado, gozando dunha fermosa vista sobre o seu querido barrio das Hortas.

Fotos actuais

❮❯