Zona verde
Parque de San Domingos de Bonaval
Parroquia
San Fructuoso
Tipoloxía
Manancial de auga
Historia
Cando non existían redes de abastecemento de auga, a vida discorría arredor dos ríos e mananciais, que condicionaban a posibilidade de establecer asentamentos. No caso de San Domingos de Bonaval, o convento tiña a auga asegurada grazas á mina de auga presente na súa carballeira, que servía para todos os usos habituais na época: utilizábase nas actividades domésticas de limpeza e aseo, abastecía ás cociñas, servía de rega para os cultivos dos frades e de bebida para homes e animais aloxados no edificio.
Descrición
A auga é moi importante no Parque de San Domingos de Bonaval, especialmente neste punto xa que aquí está situado o manancial do que nace a auga que alimenta ás fontes do parque. O aproveitamento e explotación deste manancial faise mediante unha mina de auga.
Consiste nunha escavación na rocha de xisto na que aflora a auga, situada entre os rododendros e cun balo de madeira que enmarca a entrada. A auga desta mina vai directamente cara o lavadoiro, composto dunha pía que desauga cara distintas canalizacións, conservando parte o antigo sistema de rega das hortas dos frades dominicos.
A gran abundancia de auga subterránea presente no parque fai necesaria a súa xestión e canalización. A auga presente no xardín nace deste manancial situado na carballeira, na parte alta dos terreos ocupados polo Parque de San Domingos de Bonaval, e vai sendo conducida a través dun percorrido descendente formado por diversas fontes para salvar o desnivel e chegar ao depósito de auga aloxado baixo o Xardín dos Frades e dende onde ten lugar a rega do parque.
.jpg)
.jpg)
.jpg)
.jpg)
.jpg)
.jpg)
.jpg)