Monumento a Manuel Ventura Figueroa

Código: AL050

Patrimonio

Localización

Zona verde

Parque da Alameda

Barrio

Cidade histórica

Parroquia

San Fructuoso

Información

Tipoloxía

Estatua

Cronoloxía

1898

Autor

Francisco Vidal Castro

Historia

Manuel Ventura Figueroa (1708-1783) naceu en Santiago e chegou a ser un prestixioso xurista; ocupou diversos postos nas administracións eclesiástica e real onde acabou destacando pola súa brillantez e o seu carácter afable. Estivo implicado en moitas iniciativas do goberno ilustrado de Carlos III como a fundación do Banco de San Carlos (hoxe Banco de España) ou o Concordato de 1753.

A estatua estivo inicialmente nos xardíns nos que hoxe está a fonte da Cuncha, fronte ao Colexio de San Clemente. Na reordenación da zona en 1949 foi trasladada a este lugar.

Descrición

Esta obra de Francisco Vidal Castro foi encargada en 1898 polos parentes deste sinalado eclesiástico, que foi patriarca das Indias e conselleiro de Carlos III. É unha peza de gran tamaño que se apoia nunha base de granito e que garda certo parecido no estilo coa de Casto Méndez Núñez.

Presenta o letrado coas vestimentas do seu estado e a perruca á moda da época, amosando o escrito de fundación da súa obra pía, destinada a sufragar os estudos universitarios dos seus parentes pobres e a súa descendencia. Hoxe unha fundación -creada polos seus herdeiros para xestionar a súa vontade- mantén vivo o legado deste home. É unha das máis antigas de España e continúa dando bolsas aos descendentes da súa familia.

Fotos actuais

❮❯

Fotos antigas

❮❯