Parque da Finca do Espiño

Actuacións

A intervención realizada a comezos deste século buscou como máxima prioridade a preservación e o aumento da súa riqueza, empregando materiais de orixe local, reciclados e reciclables, e a introdución de novas tecnoloxías para buscar a eficiencia e eficacia na xestión dos recursos.

- Xestión e aforro de auga: na Finca do Espiño instalouse a tecnoloxía de rego máis eficiente para o aforro de auga, o que logrouse grazas ao deseño e implantación de diferentes medidas como son a regulación do sistema de rega, a telexestión, a rega segundo necesidades climáticas e a selección de vexetación de baixos requirimentos hídricos.

- Eficiencia enerxética no alumeado: a iluminación do parque pretendeuse que fora o máis sostible posible por medio de luminarias de alta eficiencia e baixo consumo, instalando tecnoloxía LED de baixa enerxía con diferentes luminarias empotradas en puntos concretos do chan do parque e con proxectores semisoterrados, que iluminen de forma rasante os camiños.

- Plan de xestión ambiental: o plan paisaxístico desenvolvido no parque fala da articulación do espazo en función dunha rede de paseos flanqueados por largas fileiras de árbores e grupos arbóreos que acoutan panos de herba e xardíns de arbustos e plantas floridas. O chan cuberto de hedra conservouse tal como estaba. Como valores faunísticos da Finca do Espiño podemos mencionar a presenza e nidificación de aves non especialmente comúns en ámbito urbano, como as rulas e as grallas. Para protexer á fauna tratouse de minimizar na intervención os impactos sobre o seu hábitat. Ademais, non se retirou toda a madeira existente, deixando numerosos troncos no chan do parque para que sirva de fonte de alimentación e refuxio.