Parque da Ponte Mantible

Código: par023

Parques E Xardíns

Localización

Barrio

San Caetano-Vite

Parroquia

San Fructuoso

Información

Tipoloxía

Xardín urbano

Cronoloxía

1994

Descrición

Situado no barrio de Guadalupe, constitúe unha prolongación dos parques Pablo Iglesias, Eduardo Blanco Amor e Ponte Mantible. Ten unha superficie duns 9.000 m2. Igual que o Parque Pablo Iglesias, foi inaugurado en 1994. Estes dous parques están separados polo acueduto Ponte Mantible, que forma parte da rede de infraestruturas utilizadas antigamente para fornecer de auga á cidade.

O río Corgo, que xa non está oculto por canalizacións soterradas, como ocorre no Parque Pablo Iglesias, discorre en superficie por unha banda do parque.

Nos xardíns, as áreas de céspede aparecen interrompidas por reducidos grupos de chopos (Populus nigra), árbores do ámbar (Liquidambar styraciflua), magnolios (Magnolia grandiflora) e cerdeiras de flor (Prunus subhirtella Pendula).

Neste parque tamén hai unha gran escultura de Camilo Otero, a Porta de Compostela, que representa a unha home nunha porta, sen entrada nin saída definidas, como símbolo do efémero paso do ser humano pola vida.

Bibliografía

FRAGA, M.I. Guía verde Santiago de Compostela. Alvarellos, Santiago de Compostela, 2010

Fotos actuais

❮❯