Pombais da Alameda

Historia

Os pombais son un elemento moi característico da arquitectura pacega pois estas grandes estruturas -circulares e construídas en pedra- eran sinal distintivo dunha casa acomodada que podía criar aves de carnes delicadas que se consumían sen chegar a idade adulta, como é o caso dos pombos. Xunto coa división dos espazos (xardín, bosque) e a existencia de múltiples especies exóticas de árbores e plantas, a súa presenza é un dos elementos que contribúen a alcumar esta Alameda como unha sorte de xardín pacego para o goce dunha cidade.

Neste caso ademais teñen unha especial significación por canto no que hoxe é a Alameda -máis ben na zona dos paseos- estaba antigamente o pombal coñecido como da Porta Faxeira, que daría nome á actual rúa do Pombal.