Ponte de Sar

Código: BS033

Auga

Localización

Zona verde

Parque Fluvial das Brañas de Sar

Barrio

Sar

Parroquia

San Fructuoso

Información

Tipoloxía

Ponte

Cronoloxía

Século XII

Historia

A Ponte de Sar, situada a carón da Colexiata de Santa María a Real de Sar, foi construída salvando o último obstáculo fluvial xa no final da Vía da Prata, ou antiga ruta que conectaba a cidade con Ourense e Castela. Unha vez pasada a ponte iniciábase o último treito de subida polas actuais rúas de Sar e do Castrón Douro. Está vía penetraba na cidade pola Porta de Mazarelos ou pola Porta da Mámoa.

Descrición

Ten unha lonxitude de 22 metros de longo por 3,50 de ancho e unha altura aproximada duns 5 metros no punto máis alto. A ponte é de estilo románico do século XII. Debido ao abundante caudal do río naqueles tempos, componse de tres ollos (o do centro de maior altura), e calzada en ángulo, construídos con forte e ben escuadrada cantería granítica. Ten peitorís a ambos os lados da calzada con buratos de desaugadoiro na súa base. Augas arriba ten dous tallamares de sección triangular. No lado oeste da estrutura e a ambos os lados da ponte, hai dúas escalinatas que permiten o acceso ao río. A uns 50 metros da ponte augas arriba hai un vao ou porto polo que antigamente pasaban os carros con mercadorías. Constitúe un bo exemplo da funcionalidade deste tipo de construción.

Fotos actuais

❮❯