Ramón María del Valle Inclán

Historia

Ramón María del Valle Inclán (1866-1936) foi un dos escritores máis sinalados da historia da literatura española. A súa relación con Compostela é estreita xa desde a súa mocidade, pois estudou na súa Universidade; aínda que abandonou os estudos de Dereito, participou en diversas iniciativas artísticas e culturais que deixaron pegada como é o caso do xornal satírico Café con Gotas, no que publicou os seus primeiros textos e que é hoxe un testemuño singular e divertido daquel tempo.

É, sen dúbida, un dos escritores que mellor soubo captar e expresar a esencia de Compostela: De todas las rancias ciudades españolas, la que parece inmovilizada en un sueño de granito, inmutable y eterno, es Santiago de Compostela… Rosa mística de piedra, flor romántica y tosca, como en el tiempo de las peregrinaciones, conserva una gracia ingenua de viejo latín rimado…No parece antigua, sino eterna. Tiene la soledad, la tristeza y la fuerza de una montaña… (La lámpara mágica, 1916).