Zona verde
Parque de San Domingos de Bonaval
Parroquia
San Fructuoso
Tipoloxía
Espazo de arte emerxente
Cronoloxía
2007
Descrición
Inaugurada en marzo de 2007 como espazo para a arte máis emerxente, a Zona C consolídase como aposta para promover a creación de vangarda. En 2015 ponse en marcha a primeira convocatoria de apoio á creación en artes visuais nas modalidades de proxectos de intervención artística, proxectos de comisariado e comunicación gráfica. O resultado do proceso de selección, a cargo dun comité de expertos, conforma a programación do espazo que pretende ser un contedor vivo para unha cidade que quere ser foco creador e capital cultural permanente. A Zona C, como lugar de intercambio de ideas acolle encontros que afondan en novos modos de mediación cultural como as experiencias que xa teñen narrado Joana Hurtado do Can Felipa, David Rodríguez AKA Tina Paterson, ou a editora independente portuguesa Bárbara Bulhosa ao que se irán sumando novos nomes.
Dende 2007 teñen intervido no espazo: Juan Carlos Bracho, Suso Fandiño, Mauro Trastoy, Santi Jiménez, Marga Crespo, Manuel Eirís, Rita Rodríguez, Amaya González, Sara Fuentes, Montse Rego, Jesús Madriñán, Esther Ruiz de Pablos, Antía Moure, Nuria Ruibal, Colectivo Batbirulau, Carolina Caluori, Iván Prieto, Enrique Lista, Colectivo As Churras, Jesús de la Iglesia, Christian García Bello, Colectivo Ergosfera, Carolina Cruz Guimarey, María Castellanos, Diego Vites, Neves Seara...